...eg har to flotte naboar i Olga Marie og Jarl. Det såg fram i tida då dei planta ein sommarfugl-busk (Buddleia davidii) like i nabogrensa. Då eg var og vitja miljøet i Stavanger og CA på laurdag, såg eg eit flott sommarfuglbilde som Carsten hadde teke og skrive ut med Fuji sitt system. Det var svært detaljrikt og gildt i farganebilde nr. 76960.
Dagen etter såg eg på kalenderen og på vêret ute, og tenkte at nå er det tid å kikka på busken til naboane. Kvart år på denne tida vert plutseleg busken full av Admiralar.

Først gjekk eg på rekognosering utan kamera. Intuisjonen hadde slått kraftig til: Det sverma av Admiralar og nokre lysare sommarfuglar (som denne).

Etter 2-3 kvarter i lag med insekta, vart eg akseptert, og kunne fotografera av hjartans lyst. Sommarfuglar er ikkje lette nærobjekt, då dei sjeldan er flate. Eg likar dei best når ein får dei litt i 3D. Då får ein heller bita i seg at den vesle dybdeskarpheta ein disponerar, må plasserast der den gjev best resultat.